Այս համաձայնագիրը սահմանում է վեբկայքի մշակման ծառայությունների տրամադրման պայմաններն ու դրույթները, որոնք մատուցվում են Webpages ընկերության (Հակոբ Ջաղացպանյան ԱՁ) (Ծրագրավորող՝ Հակոբ Ջաղացպանյան) կողմից x ընկերությանը (Տնօրեն՝ x):
Կողմերը ստորագրելով այս համաձայնագիրը հաստատում են իրենց պայմանավորվածությունները:

1.1 Ծրագրավորողը պարտավորվում է մշակել և հանձնել վեբկայք, համաձայն Հավելված Ա-ում սահմանված նախագծի պահանջների:
1.2 Հաճախորդի կողմից պահանջվող ցանկացած լրացուցիչ ծառայություն ենթակա է առանձին համաձայնագրի և հավելյալ վճարների:

2.1 Ծրագրավորողը ստեղծում է վեբկայքը՝ հիմնվելով Հավելված Ա-ում նկարագրված դիզայնի, ֆունկցիոնալության և առանձնահատկությունների վրա և հավելված Բ -ով հաճախորդի կողմից տրամադրված նյութերով:
2.2 Նախագծի շրջանակից դուրս ցանկացած փոփոխություն ենթակա է գրավոր հաստատման:
2.3 Փոփոխությունները կարող են առաջացնել լրացուցիչ վճարներ և ժամկետների երկարաձգում:

Ծրագրավորողը իրավունք ունի պահանջել վեբկայքի համար անհրաժեշտ բովանդակության (պատկերներ, տեքստեր, լոգոներ և այլ ֆայլեր) տրամադրումը նախքան նախագծի սկսվելը:

3.1 Հաճախորդը պարտավորվում է տրամադրել բոլոր անհրաժեշտ նյութերը (տեքստեր, պատկերներ, և այլ բովանդակություն) ժամանակին, համաձայն նախագծի ժամանակացույցի:

3.2  կոմերցիոն կայքի դեպքում Հաճախորդը պարտավորվում է կապ հաստատել բանկի հետ վճարային համակարգերի կարգավորումները ստանալու համար, ծրագրավորողը պարտավորվում է դրանք ինտեգրել կայքում: վճարային համակարգերի չտրամադրումը կամ դրանց ուշացումը  բանկերի կողմից չի կարող ազդել պրոեկտի պայմանների վրա, դառնալ պատճառ պրոեկտի չեղարկմանը , ժամանակացույցի փոփոխմանը (վճարման համակարգերը կստեղծվեն պրոեկտի կառուցման ժամանակ , իսկ բանկերի կողմից կարգավորումների տրամադրման ուշացման դեպում ինտեգրումը և փորձարկումը  կկատարվի վճարովի սպասարկման շրջանակներում )

3.3 Հաճախորդը պատասխանատու է տրամադրված բովանդակության օրինականության և ճշգրտության համար:

3.4 Հաճախորդի կողմից  բովանդակության ժամանակին չտրամադրելու կամ խմբագրման փուլերին չմասնակցելու  դեպքում  Ծրագրավորողը իրավունք ունի շարունակել նախագծի աշխատանքները  առկա կամ ժամանակավոր ( Դեմոնստրատիվ ապրանքներ, նկարներ, տեքստեր) նյութերուվ , իրական բովանդակության բացակայությունը չի ազդի վճարումների ,պայմանագրի պայմանների և ժամանակացույցի վրա, և վերջնական Վեբկայքի հանձնումը  կհամարվի  լիարժեք և ավարտված նույնիսկ ոչ իրական (demo, dummy , fake content) նյութերով :

3.5 Կայքի վերջնական հանձնումը և  ընդունումը նույնպես կատարվում  է խիստ ըստ ժամանակացույցի: Հաճախորդը պետք է տրամադրի վերջնական կարծիքներ, մեկնաբանություններ  և հաստատի նախքան կայքի հրապարակումը։

3.6 Պայմանագրի ավարտից հետո, եթե վճարման երկրորդ մասը չի կատարվում 10 աշխատանքային օրվա ընթացքում, կայքը չի հրապարակվում և պայմանագիրը չեղարկվում է (մինչև այդ պահը կատարված վճարումները վերադարձի ենթակա չեն):

4.1 Վերջնական վճարումից հետո վեբկայքի սեփականությունը փոխանցվում է Հաճախորդին: Երրորդ կողմերի ծրագրային գրադարանները և հավելվածները ներառված չեն:
45.2 Ծրագրավորողը պահպանում է իրավունք՝ նախագիծը  ցուցադրելու իր պորտֆոլիոյում:

5.1 Ծրագրավորողը տրամադրում է մինչև 4 խմբագրումների փուլ նախագծի ընթացքում: Լրացուցիչ խմբագրումների համար սահմանվում է հավելյալ վճար:
5.2 Պրոյեկտի ավարտից հետո սպասարկում չի տրամադրվում, եթե այլ բան նշված չէ Հավելված Ա-ում:

6.1 Կողմերից յուրաքանչյուրը կարող է լուծարել համաձայնագիրը գրավոր ծանուցմամբ: Լուծարման դեպքում՝

• Հաճախորդը պարտավորվում է վճարել կատարված աշխատանքների համար մինչև այդ պահը։
• Ծրագրավորողը կտրամադրի կատարված աշխատանքները՝ վճարումը ստանալուց հետո:

7.1 Ծրագրավորողը երաշխավորում է, որ վեբկայքը կգործի հանձնման պահին սահմանված ձևով : Երաշխիքը չի ընդգրկում՝

• Երրորդ կողմերի փոփոխությունները:
• Հոսթինգի, սերվերի կամ համակարգերի խնդիրները:
• Հաճախորդի կողմից կատարված փոփոխությունները կամ վիրուսների հետևանքները:
• Թարմացումների ժամանակին չկատարելու դեպքում առաջացած անվտանգային խոցելիությունների վերացումը, կամ դրանց պատճառով առաջացած խնդիրները.

Ծրագրավորողը պատասխանատու չէ անուղղակի, պատահական կամ հետևանքային վնասների համար, որոնք կարող են առաջանալ վեբկայքի օգտագործման կամ չօգտագործման արդյունքում:

Կողմերը նախ կհավաքվեն և կփորձեն լուծել ցանկացած վեճ ՝ իրավաբանական գործողություններից առաջ:

Այս համաձայնագիրը կարգավորվում է Հայաստանի Հանրապետության օրենքներով:

11.1 Այս համաձայնագրի բոլոր կետերը համարվում են պարտադիր կողմերի համար՝ անկախ այն հանգամանքից, թե արդյոք Հաճախորդը ամբողջությամբ ընթերցել և թե հասկացել է դրանք:

11.2 Ծրագրավորողը պատասխանատվություն չի կրում Հաճախորդի կողմից թերի  ընկալված , սխալ   կամ  չընթերցված կետերի համար: Վերջնական պայմանները ենթակա են ստորագրման և չեն կարող հետագա բողոքարկման ենթարկվել՝ չկարդալու կամ չհասկանալու պատճառաբանությամբ։

11.3 Հաճախորդը իրավունք ունի պահանջել լրացուցիչ պարզաբանումներ՝ պայմանագիրը ստորագրելուց առաջ:

12.1. Մինչև կայքի վերջնական ընդունումը, հաճախորդը պարտավոր է մանրակրկիտ ստուգել այն՝ հայտնաբերելու ցանկացած թերություն, սխալ կամ խնդիր։ Ցանկացած հայտնաբերված թերության կամ սխալի մասին անհրաժեշտ է տեղեկացնել վերջին խմբագրումների փուլի ժամանակ.

12.2. Հաճախորդի կողմից կայքի ընդունումից և վերջնական վճարման իրականացումից հետո, սույն պայմանագրի շրջանակներում փոփոխությունների, սխալների կամ թերությունների հետ կապված նոր պահանջներ չեն ընդունվում։ Փոփոխությունների կամ ուղղումների ցանկացած նոր հարցում կդիտվի որպես նոր նախագիծ։

12.3. Եթե կայքի ընդունումից հետո խնդիրներ առաջանան, դրանք կդիտվեն որպես նոր նախագիծ, և բոլոր աշխատանքները կիրականացվեն նոր պայմանագրի հիման վրա, որը կներառի նոր վճարային պայմաններ։

     Այս համաձայնագրի բոլոր կետերը տրամադրվում են «որպես էդպիսին» սկզբունքով և չեն ենթադրում որևէ այլ մեկնաբանություն, ենթատեքստ կամ լրացուցիչ իմաստ: Բոլոր պահանջները, պայմանները կամ հստակեցումները, որոնք դուրս են համաձայնագրի գրավոր տեքստից, ուժ չունեն: Ցանկացած հարց կամ անհասկանալի կետ պետք է քննարկվի և համաձայնեցվի գրավոր նախքան նախագծի մեկնարկը: Ծրագրավորողը պատասխանատվություն չի կրում, եթե հաճախորդը չի կարդացել կամ չի հասկացել պայմանագրի որևէ կետ:

14.1 Վեբկայքի մշակումն ընդգրկում է միայն կայքի տեխնիկական և դիզայնային գործառույթները: Բովանդակության ստեղծումը, ստեղծման ընթացքի կառավարումը կամ ցանկացած այլ բովանդակային ծառայություն չեն ներառվում այս համաձայնագրի շրջանակում:
14.2 Հաճախորդը պարտավոր է ապահովել կայքում տեղադրված տեքստի, պատկերների և այլ նյութերի տրամադրումը: Հաճախորդը պատասխանատու է բովանդակության օրինականության, հեղինակային իրավունքների պահպանման և ճշգրտության համար:

15.1. Վեբկայքի նախագծի ավարտից հետո ծրագրավորողը պարտավորվում է տրամադրել 1 (մեկ) օժանդակության սեսիա՝ Հաճախորդի օպերատորին/անձնակազմին ծանոթացնելու համար վեբկայքի ադմինիստրատիվ Վահանակին (Admin Panel):

15.2. Օժանդակության սեսիայի ընթացքում կտրամադրվի տեղեկություն թե՝

• Ինչպես փոփոխել կայքի տեքստերը
• Ավելացնել, խմբագրել և հեռացնել ապրանքներ, կատեգորիաներ և հատկանիշներ
• Հետևել կայքի այցելությունների անալիտիկ ինֆորմացիային

14.3. Օժանդակության սեսիան համարվում է նախագծի մաս և տրամադրվում է առանց հավելյալ վճարի: Լրացուցիչ սեսիաների կամ անհատական աջակցություն ստանալու համար սահմանվում է առանձին վճար:

16.1. Հաճախորդը իրավունք ունի պահանջել ծրագրավորողից համաձայնագրով սահմանված բոլոր պարտավորությունների լիարժեք կատարումը:

16.2. Եթե ծրագրավորողը չի կարողանում ապահովել համաձայնագրով նախատեսված պահանջները (ներառյալ, բայց չսահմանափակվելով՝ կայքի ֆունկցիոնալությամբ, դիզայնով կամ ժամկետներով) և չի կատարում անհրաժեշտ ուղղումները 10 (տաս) աշխատանքային օրվա ընթացքում Հաճախորդի կողմից գրավոր ծանուցում ստանալուց հետո, Հաճախորդը իրավունք ունի․

• Կասեցնել նախագիծը,
• Լուծարել համաձայնագիրը,
• Պահանջել արդեն վճարված գումարների վերադարձը՝ համաձայն կատարված աշխատանքի ծավալի:

16.3. Եթե ծրագրավորողի կողմից կատարված աշխատանքը թերի է կամ չի համապատասխանում նախապես հաստատված տեխնիկական առաջադրանքին, Հաճախորդը իրավունք ունի պահանջել անվճար վերանայումներ՝ պայմանագրում նշված սահմաններում:

16.4. Եթե ծրագրավորողը խախտում է պայմանագրով սահմանված վերջնաժամկետները 20 (քսան) և ավելի աշխատանքային օրով, Հաճախորդը կարող է պահանջել տուգանք կամ նախագծի ամբողջական չեղարկում՝ ամբողջ գումարի վերադարձի պահանջով:

Նախագծի շրջանակ

Վեբկայքի գլխավոր ֆունկցիոնալությունն ու էջերը՝

• Գլխավոր էջ (դինամիկ բաններներ Նկարներով ,հղումներով , հղում կոճակներով և տեքստային շերտերով (մինչև 5 հատ))
• Մեր մասին էջ ( տեքստային հատված , կազմակերպության կամ անհտական նկարների ներառումով,  թիմի կամ անհատին նկարներ , ինտերակտիվ հատվածներ՝ քարտեզ թիմի անդամների հետ կապ եթե կիրառելի է)
• Կապ մեզ հետ (անմիջապես կայքից հետադարձ կապի ֆունկցիոնալությամբ)
• Բլոգ բաժին (եթե կիրառելի է)
• Էլեկտրոնային առևտուր
  • Ապրանքների կատալոգ (Ֆիլտրացման հնարավորություն ըստ ապրանքի հատկանիշների և բաժինների)
  • Զամբյուղ
  • Գրանցում և օգտատիրոջ էջ
  • Վճարման համակարգ 
  • Վճարման եղանակների ընտրություն (Idram, fastshift, evocabank քարտային վճարում, PAYPAL , STRIPE, ACBA օնլայն ապառիկի ձև) Հաճախորդը պարտավորվում է կապ հաստատել բանկի հետ գրանցվելու և համապատասխան կարգավորումներ ստանալու համար
• Live Chat ֆունկցիա
• Ադմինիստրատիվ պանել՝
  • Ապրանքներ ավելացնելու և փոփոխելու հնարավորությամբ, ապրանքի բաժինների և հատկանիշների փոփոխության հնարավորությամբ
  • Էջերի հիմնական բովանդակության, տեքստերի և պատկերների խմբագրման ֆունկցիոնալություն
• SEO օպտիմիզացիա
  • Վեբ կայքի հիմնական էջերի և բովանդակության SEO կարգավորում
• Բազմալեզու աջակցություն (եթե կիրառելի է)
• Հասանելիություն և Responsiveness (ձևաչափը տարբեր սարքավորումների և էկրանների համար)
• Անվտանգության ապահովում
  • SSL վկայագիր
  • Անվտանգ վճարային ինտեգրումներ
  • Հետադարձ կապի և լրացուցիչ տվյալների անվտանգություն

Հաճախորդը պետք է տրամադրի հետևյալ բովանդակությունը Ծրագրավորողին՝ ապահովելու համար նախագծի սահուն ընթացքը և բարձր որակը: Բովանդակությունը պետք է ուղարկվի էլեկտրոնային եղանակով (info@webpages.am):

1. Տեքստային Բովանդակություն

Գլխավոր Էջի Տեքստ

• Կարճ նկարագրություն (մինչև 200 բառ, Word կամ Google Docs)
• Կարգախոս (մինչև 10 բառ)
• Հրավերի տեքստ (յուրաքանչյուրը՝ մինչև 50 բառ)

Մեր Մասին Էջ

• Ամբողջական տեքստ (մինչև 500 բառ, Word կամ Google Docs)

Ապրանքներ/Ծառայություններ (էլեկտրոնային առևտրի համար)
Յուրաքանչյուր ապրանքի/ծառայության համար՝

• Անվանում (մինչև 50 նիշ)
• Ապրանքի բաժինը կայքում (օր.՝ աթոռ, սեղան, ննջասենյակի կահույք …)
• Նկարագրություն (մինչև 200 բառ)
• Գին (AMD)
• Կոդ (SKU)
• Չափսեր, գույներ, նյութ (եթե կիրառելի է)
• Այլ մանրամասներ (եթե կիրառելի է)

Կոնտակտային Տվյալներ

• Ընկերության անվանում
• Հասցե
• Հեռախոսահամար
• Էլ. փոստ
• Աշխատանքային ժամեր

2. Պատկերներ և Գրաֆիկա

Լոգո

• SVG կամ PNG (300 DPI)

Բաններներ

• Չափսեր՝ [նշել չափսերը, օրինակ՝ 1920x600px]
• Ֆորմատ՝ JPEG կամ PNG (300 DPI)

Բրենդային Գույներ

• HEX կամ RGB կոդեր

Ապրանքների/Ծառայությունների Նկարներ

• JPEG կամ PNG (1200px լայնությամբ, 300 DPI)
• Մեծ քանակի դեպքում՝ ZIP արխիվ կամ Dropbox/Google Drive հղում

3. Տեխնիկական Տվյալներ

Դոմենի և Հոսթինգի Տվյալներ

• Դոմենի անուն
• Հոսթինգի մուտքանուն և գաղտնաբառ (cPanel, FTP)

Google Analytics

• Մուտքի հնարավորություն Ծրագրավորողին (եթե չկա, կստեղծվի նոր հաշիվ)

API բանալիներ

• Վճարային համակարգեր, առաքման ծառայություններ և այլ ինտեգրումներ

4. Այլ Նյութեր

Սոցիալական Ցանցեր

• Facebook, Instagram, LinkedIn և այլ հղումներ

Հաճախորդների մեկնաբանություններ

• Տեքստ կամ լուսանկարներ (JPEG/PNG)

Տեսանյութեր

• MP4 (720p կամ ավելի բարձր)
• Մեծ ֆայլերի դեպքում՝ YouTube/Vimeo կամ Dropbox/Google Drive հղում

5. Վճարային համակարգերի գրանցման տվյալներ ( Կոմերցիոն կայքի դեպքում)

• Քարտային վճարումների համար բանկի կողմից տրամադրված ինտեգրման կարգաբերումներ և ուղեցույց
• Այլ վճարային համակարգերի (Fast shift, Idram , ACBA օնլայն ապառիկ) ինտեգրման տվյալներ և ուղեցույց

Նախագծի փուլերը պլանավորված են աշխատանքային օրերի հիման վրա՝ ապահովելով հետևողականություն և հստակություն յուրաքանչյուր քայլի համար։

Նախագծի մեկնարկ՝ (ամսաթիվ) 

Նշումներ:

• Խմբագրումների յուրաքանչյուր փուլ նախատեսում է մինչև 2 աշխատանքային օր՝ փոփոխությունների ներդրման համար։

Թողարկումից հետո կատարվող բոլոր լրացուցիչ խմբագրումները և փոփոխությունները կիրականացվեն նոր նախագծի շրջանակում՝ համաձայն առանձին պայմանավորվածության։

1.1 Նախագծի ընդհանուր արժեքը կազմում է X ՀՀ դրամ։

1.2 Վճարումները կկատարվեն հետևյալ կարգով.

• 25% կանխավճար (X ՀՀ դրամ)՝ պայմանագրի ստորագրման պահին։
• 25% (X ՀՀ դրամ)՝ դիզայն-մակետների հաստատման պահին։
• 50% (X ՀՀ դրամ)՝ նախագծի բոլոր աշխատանքների հաջող ավարտից, հանձնման-ընդունման ակտի ստորագրումից և կայքի հրապարակումից առաջ։

1.3 Վճարման ուշացման դեպքում ավելի քան 10 աշխատանքային օրով, ուշացված գումարի 10%-ի չափով տույժ է գանձվում ուշացման յուրաքանչյուր ամսվա համար։

4.4 Կայքը կհրապարակվի միայն ամբողջական վճարումից և հանձնման-ընդունման ակտի ստորագրումից հետո։

 Գործարկումից հետո տեխնիկական աջակցություն և ուղեկցում.

Կայքի գործարկումից հետո Հաճախորդին առաջարկվում են տեխնիկական աջակցության և ուղեկցման հետևյալ տարբերակները.

Ժամային վճար՝ 3 000 ՀՀ դրամ 30 րոպե աշխատանքի համար։ Ներառում է՝

1. Խորհրդատվություն
2. Հրահանգավորում
3. Փոքր փոփոխություններ որոնք հնարավոր են կատարել սպասարկման սեսիաում

Բաժանորդային սպասարկում՝ X ՀՀ դրամ Ներառում է՝

1. կայքի աշխատունակության մոնիտորինգ, 
2. պահուստային պատճենահանում, 
3. CMS-ի և պլագինների թարմացում, 
4. Խորհրդատվություն
5. Հրահանգավորում
6. Փոքր փոփոխություններ

Համաձայնության Հաստատում

   Ստորագրելով այս համաձայնագիրը, Հաճախորդը հաստատում է, որ նա մանրամասնորեն կարդացել, հասկացել և համաձայն է այս փաստաթղթում նշված բոլոր պայմաններին, դրույթներին և պահանջներին:

Հաճախորդի ստորագրություն: ___________________________

Ամսաթիվ: ________________

Ծրագրավորողի ստորագրություն: ___________________________

Ամսաթիվ: ________________